Salamat sa lahat…

Alam ko medyo kalagitnaan na ng Enero. Actually, plano ko dapat mag-blog upang magpasalamat sa marami bagay na nangyari sa kin noong nakaraang taon. SO… without further ado, eto na.

Una… thank you kay Lord dahil sa maraming blessings na binibigay n’ya pa rin para sa king pamilya. Alam ko di ko ito matutumbasan ng kahit ano except for prayers lang and kung may chance ay pag-serve sa mass (kami ni Kaye ay cantor para sa salmo responsorio).

Pangalawa… salamat sa mga bumati sa kin sa aking birthday noon nakaraang buwan. Di man magarbo o kakaiba, makabuluhan s’ya sa kin ng sobra dahil kasama ko ang pamilya ko para i-celebrate s’ya ng matiwasay. Sorry kung ngayon lang ako makapagtenkyu kaya magmention na ko now — to my sis Ateyet, Mama ko, Papa ko, my darling Kara, Papa Melo, Mami Minda, Kuya Anne at sa butihing bf nit I o na si Onid, Iah (pinsan ko), Tita Meh, Tito Eric, at mga nakaalalang friends ko na nagtext, Karen, Ara, Genesis, Ai at ang future bayaw kong si RG (naks! actually magiging bunsong kapatid ko sya hehehe!) plus yung mga friends ko pang nagpost sa FB at lahat ng mga dablogkarda — daghang salamat sa inyong tanan! Pinataba nyo ang puso ko ng sobra sobra ng inyong pagbati! I love you all!

Pangatlo… salamat sa bagong trabaho kong pinapasukan ngayon. Nangangapa man ay alam kong katagalan ay kakayanin ko rin ito. Besides, alam ko si Kaye ay nakaantabay lang para ako tulungan. Medyo major shift for me kasi from copywriting ay mayroon na rin akong PR work, if not most of the time, yun ang gagawin ko. Basta, pagbubutihin ko na lang ‘to and I know I would eventually excel din sa bago kong trabaho later on.

And lastly, everyday na ako’y magpapasalamat sa aking Kaye na s’yang nagbibigay sigla at kahulugan sa aking bawat pagkilos sa mundong ito. Siguro iba talaga ang feeling ‘pag sinasabing sayong sayo na talaga s’ya. Oo talagang sa kin s’ya and am proud that nandun ako for her sa lahat ng kanyang pangangailangan. Sa lahat ng mga pagsubok, kasiyahan, di pagkakaintindihan, kulitan, kataimtiman, at pagmamahalan, ako’y taas-kamay na humahanga sa kanyang paninindigan at katibayan ng loob sa lahat ng aming nadaanan at dadaanan pa ng sabay sa darating pang mga taon. But most of all, sa pagkakaloob ng Diyos sa amin ng tatlong napakahalagang regalo sa buhay — si Kara, Jeremy at Cassie — wala na akong hihilingin pang kapalit sa D’yos dahil kinompleto na n’ya ang pinagka-asam-asam simula’t sapul. Sa ‘yo Be, maraming salamat at di ko ikahihiyang sabihin na Mahal na Mahal Kita ng sobra sobra!

Muli, Happy New Year sa ‘ting lahat at nawa’y maging masaya ang ating buhay ng buong taon!

Pahabol lang: Ma, Happy Birthday! (as in ngayon tlaga birthday n’ya that’s why I wanted lang a special mention of her here.) I LOVE YOU VERY MUCH and thank you for being my Mama!